17 مسابقة لـ60 ألف منصب جديد | تاريخ مسابقات التربية و التعليم 2013

مدونة توظيف وعمل في يوم 14‏/04‏/2013 94 التعليقات
17 مسابقة لـ60 ألف منصب جديد | تاريخ مسابقات التربية و التعليم 2013
أول مسابقة تنطلق بعد غد وآخرها في 9 ديسمبر


تنشر ''الخبر'' التفاصيل الكاملة عن التوظيف في قطاع التربية بناء على القرار الوزاري رقم 30 الذي يتضمن رزنامة الامتحانات والمسابقات المهنية للسنة الحالية، حيث تنطلق أولها بعد غد الثلاثاء وتنتهي بتاريخ 9 ديسمبر المقبل، بمجموع 17 مسابقة تشمل مختلف الرتب والأسلاك، لتوفير ما يقارب 60 ألف منصب جديد.  
يحدّد القرار رقم 30 المرفوق بقرارات أخرى، تحوز ''الخبر'' على نسخ منها، كيفيات فتح امتحان مهني والمشاركة في المسابقات التي تخص مختلف الرتب والأسلاك، وتواريخ اختتام التسجيلات في الامتحانات المهنية المضبوطة بـ15 يوم عمل، فيما تتخذ مديريات التربية الإجراءات اللازمة لمن تتوفر فيهم الشروط القانونية الأساسية. وتأتي نتيجة لخروج المستخدمين من ذوي الفئة العمرية من مواليد سنوات 1951 و1952 و1953 على التقاعد، وأيضا ممن سيحالون على التقاعد المسبق أي نسبي، لاستيفائهم سنوات الخدمة الفعلية بغض النظر عن السن. كما يتعيّن، من جهة أخرى، على الموظفين المعنيين بالمشاركة في الامتحانات المهنية القيام خلال 10 أيام التي تلي التبليغ بتأكيد مشاركتهم كتابيا، فيما تحدّد قائمة المقبولين وغير المقبولين في إطار لجنة تتكون من ممثل عن السلطة التي لها صلاحيات التعيين، ممثلين منتخبين عن اللجنة الإدارية المتساوية الأعضاء للسلك أو الرتبة المعنية، بينما يقدّم الطعن لدى السلطة التي لها صلاحية التعيين قبل 5 أيام عمل على الأقل من تاريخ إجراء الامتحان المهني.  أمّا عن كيفية التوظيف، فإنه يتم إنجاز مقرّر الاستخلاف حسب النموذج المحدد من قبل الوظيفة العمومية، ثم تبلغ وجوبا نسخ من مقررات التوظيف إلى رئيس مفتشية الوظيفة العمومية المؤهل إقليميا، وذلك وفقا للشروط والآجال المحددة في المرسوم التنفيذي رقم 126/95 المؤرخ في 29 أفريل .1995  ويخضع المترشحون الناجحون قبل الترقية لمتابعة بنجاح، تكوينا متخصصا مدته سنة واحدة، فيما يحرم كل ناجح لم يلتحق بمؤسسة التكوين في أجل شهر واحد ابتداء من تاريخ تبلغيه بقرار متابعة التكوين، من فقدان الحق في الاستفادة من نجاحه في الامتحان المهني ويستبدل اسمه في قائمة الاحتياط حسب الترتيب.
 
المصدر : جريدة الخبز عفوا الخبر
ملاحظة : بعد إطّلاعي على هذا الموضوع الذي يلعب بمشاعر الشباب و إستغباء هذه الفئة بمواضيع ليس لها اي اساس من الصحة و صار الكذب مباح بالنسبة لهم أضم جريدة الخبر لقائمة جرائد الكذب مثلها مثل جريدة الشرور و الانهيار .
و اذا كنت خاطئ فهموني اذا فهمتوا أنتم.....

17 مسابقة لـ60 ألف منصب جديد | تاريخ مسابقات التربية و التعليم 2013

94 التعليقات:

غير معرف يقول...

او عندك حق 100%100 راهم يشيخوا بينا كيما يحبوا بصح أو كاين ربي وين راح يروحوا منو

غير معرف يقول...

ما فهمت والو.

غير معرف يقول...

fahmna khouya

غير معرف يقول...

فهمونا كاينة منها ولا والو؟؟ راهم يقولو من الجريدة الرسمية ؟شبعتونا مقروط

abd slam abd يقول...

ربي يهديهم قاعدين يتمسخروا بالشباب ويمتصوا في الغضب نتاعوا

Mohsin Dzaircafe يقول...

كامل خرطي في خرطي في خرطي و خلاونا خرطي ؟؟

abd slam abd يقول...

راهي مسابقة للاستاذات فقط دولتنا راهي غير تاع بنات

غير معرف يقول...

ندعيلك ربي يطردوك من خدمتك يا كاتب و تولي شومار كيفنا و تتعلم متكدبش

غير معرف يقول...

باركالله فيك يا abd slam abd دولتنا تاع بنات بيها بريسهم الكل يحبو يوظفو غير لبنات باه الشباب يطلع للجبل كي بكري ويسرقو الدراهم تاع الشعب.
ونقولكم حاجة الجزائر تاع الشعب الكل من الشمال للجنوب ومن الشرق للغرب، ولكن هناك بعض ابناء فرنسا موجودين في هرم الدولة وهوما اللي راهم يسيرو فينا كيما بغاو هوما.
وحطو في بالكم عندما تقرب الانتخابات يبداو بالمشاكل باه يسرقو.
شفت البارح في قناة المغاربية في حصة صدى الشرع واحل من الجزائريين كان مسجون مع عبد المومن خليفة اللي سرق بنك الخليفة وقالهم في السجن إذا حبيتو نروحو للمحكمة في الجزائر انا موجود ولكن لازم يكون معايا أيضا اخ عبد العزيز بوتفليقة (السعيد، وشكيب خليل، سيدي السعيد، والقائمة طويلة) قالهم نتحاكمو الكل امام الشعب.
وعندما قالهم هكذا قالولو تقعد الثم في الانكليز. وتحيا الجزائر.

saida يقول...

الله يهدينا و يهديهم

غير معرف يقول...

من يحكم الجزائر و يرجع لنا حقوقنا المهظومة أنا مليت من الخيان و البيسطو أنا بنت لكن لم أدفع لارشوة أو لا بعت نفسي لكي أجد عمل فأنا منذ 4 سنوات في جامعة وهران و كل عام يقولو لنا هناك الإدماج لكن ننتظر دون جدوى الله يعطينا الصبر فقط

غير معرف يقول...

فيما يخص مسابقة المقتصد والتي يتم اجراؤها يوم 16 افريل من فضلكم اي وقت اعلنتم عن المسابقة ولا يسعني الا ان اقول او راهم فاقو من الحدود الي الحدود ويكفي استهتارا بشباب هذه الامة لان الشباب شبع كذب والمسابقات نتائجها معلومة مسبقا ارحمونا ارحمونا منكم

غير معرف يقول...

السلام عليكم
ربي يخليكم قولونا هاذ المسابقة كاين منها ولا ها
واذا كاين ويكت احر اجل لتسجيلات
حنا عارفين بلي القائمة راهي واجدة قبل من فوتو
مي الواحد يدير لي عليه وربي يجيب ان شاء الله

غير معرف يقول...

ههههههههه دولة نتاع بنات؟؟؟؟؟؟ و شكيب خليل السّراق شكون ياك راجل و لا؟؟؟؟؟؟؟ أنا حاصلة على شهادة الليسانس في اللغة الانجليزية و عندي منصب احتياط في مسابقة الماجيستير 2013 و شهادة الليسانس في الحقوق و الله والله و الله و الله غير راني حيطيست كيفي كيف أصحاب النيفو نافيام، ماشي دولة نتاع بنات صحّح مفهومك يا الشيخ هاذي دولة نتاع الرشاوي و الكتاف عندك التيكي تقضي صوالحك ماعندكش التيكي حد ما يسال عليك.

غير معرف يقول...

pour quoi sa ykhalo nhar tali w y9olo 3la les concours modiryat el klab machi modiriat el tarbia rabi yakhod el ha9 3yina m chomage

zineddine hajaj يقول...

ينتهي التسجيل يوم 17 افريل. متى بدأ؟؟؟؟؟

غير معرف يقول...

ماكانش منها اليوم 2013.04.14 تقدمت من مديرية التربية لولاية بسكرة مستفسرا عن الموضوع فأكذ لي أعوان المديرية بأن ما جاء بجريذة الخبر ما هو إلا رزنامة للمسابقة قاذمة و لم يتلقوا أي شيء رسمي يخص هدا الموضوع و لا توجذ أي برمجة لمسابقة في الوقت الخالي و انهم ينتظرون تقسيم عذذ المناصب حسب احتياجات كل ولاية ذون تحديد تاريخ أو زمان تلقي الملفات و اجراء المسابقات

غير معرف يقول...

والله نفس الطرح الي كتبو الاخ السابق نفس الكلام قالك مكانش منها هادي المسايقة وزيد غير من المعقول انو في نفس الشهر يتم وضع ملف المترشح وبهده السرعة والله راهم يدزو بناس وربي يستر حابين يقلبون نخمو لورا واش راه صاير الصح مكانش في هدا البلاد وين رانا رايحين وراها الوزراة الوحيدة الي نديروها فيها الثقة اعطونا وزارة وحدة تتكفل بكلش براكات تمسخير ودزان بناس رانا كرهنا المسابقات ديرونا حل والله المعين

غير معرف يقول...

لله يهديهم وهدي الهدرة مكانش منها

غير معرف يقول...

انا بوسماحة هدي لحكاية قاع خرطي شبعتونة مقرط

غير معرف يقول...

مكانش منها الصباح رحت لمديرية التربية باتنة. قالولي مكانش وماتزيدش تصدق الجرائد حتى يظهر بيان في المديرية

abdelhalim bounouiga يقول...

ربي يحفظكم راه طلعي السكر وهبط كي سمعت تعلقاتكم يروحو يعكو بيها

زهرة يقول...

السلام عليكم ارجوكم افيدونا انا كان صح كاين مسابقة ولا لا

غير معرف يقول...

كاين مسابقة ولا مكاش

boumezrag mohamed يقول...

لا يوجد لا مسابقة ولا هم يحزنون ، متى تم تنظيم هذه المسابقة؟ ومتى تم إيداع الملفات ؟، يتمسخرو بينا هاذو ؟؟؟؟؟ هذا إلا ذر للرماد في عيون الشباب كي لا يفكر في الاحتجاج ، خلاص هاذ لقوالب قديمة جدا شوفونا حاجة جديدة.............

محمد يقول...

هل من جديد عن المساعدين التربويين في اطار عقود الادماج المهني CID

غير معرف يقول...

ادخلو بلا مسابقة ربي يهديكم................

غير معرف يقول...

انتم مازلتم تؤمنون بالغولة في هاذي لبلاد...كاين مسابقة على اساس الشهادة في سركاجي

غير معرف يقول...

هذ هي كذبة افريل لقاو غر شباب ضايع يتمسخرو بيه

غير معرف يقول...

هههههههه يااااااااو فيقواا الطماااااااع ههههههههواش يديرلوه الكذاب ...تباااا والف تبا لهذا الكذب والهراء والسخط الله وكيلكم

غير معرف يقول...

اخي جاوبني من فضلك المسابقة كاين منها افدوني جزاكم الله

غير معرف يقول...

رحت اليوم لمديرية التربية ماكاين والو خرطي في خرطي

غير معرف يقول...

يبدأالتسجيل في16/04/2013وينتهي في17/04/2013,أوفاقوافالكوميك ما صراتش.

غير معرف يقول...

li ra7o lacademi rakom sur bli 9alololkom makane walo w masa9ssitoch wikta yji concours hada

غير معرف يقول...

هدا الصحفي ادا لم يكن لديه دليل موكد فانه لا يستطيع الكتابة ,,,, هدو تاع مديرية التربية راهم يكدبو بكل وقاحة و يديروها بيناتهم حنا في حنا يخي حالة يخي

غير معرف يقول...

وتقرأ صباحاً ومساءً على ماء وبدون ماء

 سورة الواقعة كاملة . (مرة واحدة يوميا)

 لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ. (الأنبياء:87) (مائة مرة)

 فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا. (نوح: 10-12)

 قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ * تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ (آل عمران:26-27) (سبعاً)
 اللهم أكفنى بحلالك عن حرامك واغننى بفضلك عمن سواك (سبعاً)

 اللهم ان كان رزقى فى السماء فأنزله وان كان فى الأرض فأخرجة وإن كان بعيداً فقربه وأن كان قريبا فيسره وأن كان ميسراً فبارك لى فيه...اللهم بارك لى فيه. (سبعاً)

 مَا شَاء اللَّهُ لَا قُوَّةَ إِلَّا بِاللَّهِ. (الكهف: 39) (سبعاً)

 اللهم انى اعوذ بك من الهم والحزن والعجز والكسل واعوذ بك من الجبن والبخل واعوذ بك من غلبة الدين وقهر الرجال. (سبعاً)

 سبحان الله عدد ما اعطى وعدد ما وهب وعدد ما يجود به وعدد ما يخرج من الرض وعدد ما ينزل من السماء اللهم وسع رزقى واقضى دينى وقوى ظهرى. 

غير معرف يقول...

hada ta3 lé prof lima3andhoumch la licence y3ado ydirolhoum concour wla yrakiywhoum apré yzido ykraw 1 ans .

غير معرف يقول...

حسبي الله و نعم الوكيل في الكذابين

غير معرف يقول...

ربي يجيبهالكم يا كذابين

غير معرف يقول...

إدا بعض تخصصات ماتناسبش سوق العمل علاش ما تغلقوهاش ولا ناس تدرس على الباطل ..واضح أن الدولة تسعى لخلق البطالة..تطبيقا لمثال شعبي معروف..كرش كي تشبع تقول لراس غني..يعني ماقاله رئيس حكومة سابق....جوع الكلب يتبعك

غير معرف يقول...

ليراهم يكذبوا علينا ويتمسخروا بينا بهذا الخبر باه يمتصوا الغضب أسأل الله العظيم الكريم أن يجازيهم بما يستحقون وحسبنا الله فيهم يلا عادو سكريتي ولا سلطة

غير معرف يقول...

يا ناس أنا عندي 20سنة و انا نقلهم لي كامل الشرف . لي كامل الشرف . مرمدولي الشرف تاعي بالكامل ربي وكيلهم . عندي 40 سنة بدون عمل بدون زوجة بدون اولاد بدون سكن ربي وكيلكم . نتلاقاة في الآخرة و الله ما نسامح حتى مسؤول كل من هو متسبب في تشوميرنا... راي نبكي ليل نهار خدمة يا ناس خدمة ما بقالي والووووووووووووووووووو

غير معرف يقول...

لايهديكم ياالكاذبيين يا المنافقين معرفناكم نتوما تكذبوا ولاوزارة التربية تكذب

غير معرف يقول...

السلام عليكم
الله يذل هذه المسباقات نتاع الهم حنا نشاركو برك والشمايت هوما ليربحو الله لا تربحهم
دنيا وآخرة.ويجو يحشولنا المسابقات.تعالو تعالو
خلاص بركات
اين العزة .لضحاو لاجلها الاجداد .ولا الدزاير نتاع قوم معينين.
اذا كانت هكذا اعطونا فيزا خلونا روحوا ارض الله واسعة

غير معرف يقول...

راهم يصبرو في الشباب باش مانوظوج ضد الدولة العسكرية .
انه التظليل لكل الشباب لحفاظ الدولة علي مصالحها الشخصية رئيس المخابرات ويكت تموت يافرعون وياسلال واعوانه في سوناطراك
ياكولون في ثروات الجزائر في الخمر والرشوة والمناقصة.هذه الديمقراطية الفساد

غير معرف يقول...

بلاد الشر الله يعطيها الخلا رانا كرهنا عندك الدبلوم ماعندكش المعرفة عندك تامعرفة ماعندكش تاع العسكر عندك تاع العسكر ماعندكش نيفو عندك نيفو ................. قريب يقولك اختك ماشي باهية

غير معرف يقول...

يا جماعة ربي يعطينا الصبر

غير معرف يقول...

hisbouna manifuhmouch
hisbouna jouhallah

غير معرف يقول...

لقد ذهب زمن المصداقية.......و قد اقترب يوم الحساب....

غير معرف يقول...

و الله كرهنا من هذا الكذب ومن الامبالات انا عندي 9 سنوات بطالة شاركت في كل مسابفات الاساتذة ولم اوفق ولا في واحدة كاستاذة علوم طبيعية و دائما في القائمة الاحتياطية و لكن تفوز من تفوز و يفوز من يفوز و انا لازلت انتظر و لكن ما اقوله لكم و خاصة انتم الشباب افيقو و تكلمو عن حقكم ..... و ربي يهيديهم

habib007 يقول...

حقيقة هي دولة بنات ولكن ليس كل البنات .هؤلاء الخنازير يفضلون البنات اللواتي يظهرن مفاتنهن (عوراتهن) لهم.ويتقبلن كل الأوامر .
قال أحاد المسائيل "نحن نوظف الجنس اللطيف لأنه جنس مطيــــــــــــــــــع"

غير معرف يقول...

عندك حق ليس كل البنات انا عندي 9 سنوات و كل المسابقات شاركت فيها و القائمة الاحتياطكية كل مرة يعيطو لوحدة ولا واحد و انا كل مرة يقولون لي سبب

غير معرف يقول...

بلاد الكذابين لا قيمة انا في هذه البلاد

غير معرف يقول...

ولاهي كرهنا من التسخير هدا يا جماعة واش الحل ؟

غير معرف يقول...

التخلف

غير معرف يقول...

وكيلكم ربي يا وجوه الشر...
يا إمّا أنتوما تكذبوا, يا إمّا تاع لاكاديمي يكذبوا...لكن ما عسانا نقول, إلاّ:"حسبنا الله و نعم الوكيل"...
لي قطع خبزة الناس, الله يقفل في وجهه كل أبواب الرزق إن شاء الله...

غير معرف يقول...

حنا اساتذة حرمنا من ادماج مارس2011بدون سبب ودمجو تخصص علوم اقتصادية في الابتدائ يقرو لغة عربية و فرنسية واش من منطق يقول هكذا انا شخصيا نقول لي كانو السبب في الحرمان و البطالة لاه لا تربحهم كلهم مع عائلاتهم لانهم تسببوا في ضياع عائلات وحرمانهم من قوتهم لاحول ولا قوة الا بالله حسبنا الله و نعم الوكيل مزيا كاين الاخرة كلنا هناك سواسية عند الواحد القهار

غير معرف يقول...

ان شاء الله هاذ الوزير الجديد يعيد فتح ملف ضجايا ادماج مارس 2011 ويدمجنا لاننا لم ننجح في اي مسابقة انا شخصيا جوزت 24مسابقة في كل الوزارات و المديريات والوكالاتو....و......و............و ماكان والو اين المناصب الادارية يا وزيرنا السابق

غير معرف يقول...

الحمد لله .....الرزق على الله

غير معرف يقول...

نقول شيء واحد ان تتم هذه المسابقات لكل شخص سواء شابة أو شاب كل واحدمنا يحتاج للعمل واحد مايدري ظروف الاخرين وكذلك كل الاختصاصات وخاصة في نظام الكلاسيك الذي اصبح في الهامش وذو الخبرة .................. والله هو الذي يحايب وهو الرزاق

غير معرف يقول...

يا اصحاب النفوذ اتركوا للزوالي نصيب يعيش

غير معرف يقول...

حسبنا الله ونعم الوكيل

غير معرف يقول...

هدي بلاد ايعيشو فيها غير السراقين.....

غير معرف يقول...

حسبيا الله ونعم الوكيل معليش






غير معرف يقول...

حسبنا الله ونعم الوكيل

مريم يقول...

ربى يهديييينا قولو امييييييييين

غير معرف يقول...

baghi na3erfa hada concour kayn menah wla walo madabikoum li sa9sa f academie yejawbni

غير معرف يقول...

الحل هو الثورة لا يمكن للأمور أن تستمر هكذا يجب أن نتحرك الان لأن البلد في خطر .... و الله المستعان

غير معرف يقول...

هل من جديد فيما يخص الإدماج في ولايةبسكرة

غير معرف يقول...

الا لعنة الله على الكاذبين

غير معرف يقول...

pour ce concours là kalouli mazel maanonsawch sur academy pour la direction dl'éduc alger centre mais il faut tjr nsekssiw

غير معرف يقول...

خافو ربي في البناات اللي راكم تهدرواعليهم ما خصني والو بصح راني حيطيص

غير معرف يقول...

ربي يهديهم ويصبرنا عليهم

غير معرف يقول...

احنا حركة ما قبل التشغيل نخدموا في كل بلاص ونديروا اللي ما يندارش يأمرونا فساد الأمة و نطيعوا هوما يعرفوا غير يسنيوا و يمدوا الأوامر و أحنا نطبقوا ياو فيقوا يا حركة ما قبل الذل و نتفاهموا في نهار محدد انديروا إضراب و طني شمال جنوب غرب و شرق و الله العلي العظيم يلا شتاقوا الخدمة انتاعنا لخاطر أحنا اللي رانا غالقينلهم الفساد انتاعهم التكلة اللي راهي اعلينا دروك و في كل قطاع راهي كبيرة و الله ما يديروا حاجة بلا بينا ، و الكل يشل إذا ما خدمناش . هل توافيقوني الرأي لنحدد يوم واحد فقط حتى و إن لم يتوافق مع جميع الفئات في الوطن .حاولوا و سترون أن قطاعكم سيحترمكم و يولي لكم ألف ميثاق.

ablabrazowy يقول...

..........................................................................................................................ماعليش الكاتب يلحق......................................................................................................................................................................................هذا بواش ماشية دزاير

غير معرف يقول...

الله ابقوي الطنوها باه يعيشو الفايقين

غير معرف يقول...

ألا لعنة الله على الظالمين

غير معرف يقول...

واش هذا الخبر كاين منو ولا

غير معرف يقول...

ما تحكيوش هكذا على البنات رانا كامل في الخط و اللي عندو مكتوب يديه الواحد يدير اللي عليه يتحرك و الباقي على الله

غير معرف يقول...

مافهمن والو 16 17 2 09 07 فهمو رواحكم شحال كاين من مسابقة في التعليم الثانوي ولمتوسط

غير معرف يقول...

اذا كان فيه مسابقة اصلا ينجح فيها بن فلان وسي افلا ن احنا نحلم فقط

غير معرف يقول...

hada el khabar ghir sahih roht lacadmi w kaloli ma kanach manha.

غير معرف يقول...

كلها جرائد تعمل لحساب الدولة !!! فلا غرابة ان تكذب كما يكذبون والاغرب انهم يصدقون الكذبة
حسبنا الله ونعم الوكيل عليهم

غير معرف يقول...

اعتدنا على اخبار مثل هذا في الجرائد الجزائرية

غير معرف يقول...

جرائد آخر الزمن ههههههههههههههههههه؟؟؟؟

صفية ج يقول...

مديرية التربية لولاية المسيلة المرتبة الأولئ في الفساد الإداري ،نجحت في الكتابي عام 2009 بمعدل18/20 وأقصيت في الشفهي ؟/:نفس الشيء نجحت في قائمة الإحتياط في أوت 2012 مع أنني أملك شهادات العمل من 2005 إلئ 2012 تخولني أن أنجح مع الأوائل ، بصح واش نقولو حسبنا الله و نعم الوكيل ، الي تروح ليه يقلك أعطني غدايا ندخلك تخدم و راكم عارفين طبيعة الغداء دراااااااااااااااهم يعني رشووووووووووويني نخدمك

غير معرف يقول...

هدولا المسابقات كاين منهم مي يمدوهم من التحت لتحت ما يعلق ما يديرو فوضى

غير معرف يقول...

لكن متى يجرى امتحان مستشار التوجيه لقد ارسلت ملفا كاملا لكنهم لم يرسل لي الاستدعاء الخاص بمسابقة مستشار التربية

غير معرف يقول...

alchabab dhaya3e waljiyah yatmasakhro kon mahtaje khadma sah atamane bororo machi belghola bark

غير معرف يقول...

ماكانش مناصب عمل للمهندسين المعماريين في بسكرة

طالب جامعي يقول...

انا شاب جامعي من ولاية داخلية ادرس ماستر في جامعة هنا تنتهي الحياة اي ورقلة راني فاقد الامل في دولة القوي ياكل الضعيف خلوها لشكيب خليل والعصابات امثالو واعدموا طموحات الشباب الدي هو مستقبل الامة وربي يعطيكم الصبر يا ناس ورقلة

غير معرف يقول...

انا من ضحايا النظام لكلاسيكي قتلت روحي بالقراية و كي تخرجت لا ما جيستار لا ماستر ماعندناش الحق فيه نكمل نقرا و لا خدمة و لو ابصت خدمة لا لانام و لا لاداص ولا توظيف و لا حتى استخلاف و لا حتى خدمة بلاش اسيدي ماكانش لا حول و لا قوة الا بالله تقدروا تقولوا راني من المعدمين حسبي الله و نعم الوكيل.

غير معرف يقول...

يا بوتفليقة الى مقدرتش او راك مريض الله يشافيك روح رانا كرهنا من الحيط بلا خدمة و نتا يعطوك ابرة من العيد العيد نتاع المراة باش تقول كلمة المراة كبرنا بلا مستقبا منصب واحد يجوزو عليه الف واحد وشنو هذا وووووووووووووووولو حسبي الله ونعم الوكيل

غير معرف يقول...

يا كدابين الله يلعنكم تهفوا فينا و الله قد قمت بسؤال مفتشين و قالوا لي أنهم يحاولون من خلال هطا الاعلان در الرماد في العيون , اللهم عليك بهم فقد حطموا مستقبلنا حطمهم يــــــــــــــــــــــــــــــــتا رحمن قولوا أمين

أخوكم في الله مستقبلوا ضاع

إرسال تعليق

إضافة تعليق