جديد مسابقة توظيف اعوان الحماية المدنية في الجزائر 2012-2013

مدونة توظيف وعمل في يوم 26‏/05‏/2012 68 التعليقات
جديد مسابقة توظيف اعوان الحماية المدنية في الجزائر 2012-2013

لهبيري‮ ‬لـ‮''‬النهار‮'': ''‬سنوظّف 2000 ‬عون حماية مدنية في‮ ‬سبتمبر وإعادة التكوين إجباري‮ ‬لكل الأعوان‮''
كشف العقيد مصطفى لهبيري‮ ‬المدير العام للحماية المدنية،‮ ‬عن تقليص توظيف الأعوان‮ -‬خلال المسابقة المرتقب إجراؤها سبتمبر القادم‮- ‬من أكثر من 5 ‬آلاف عون‮ -‬مثلما كان معمولا به في‮ ‬المسابقات السابقة‮- ‬إلى ألفين بسبب إجراءات خاصة ستتّخذها المديرية‮.وقال العقيد لهبيري،‮ ‬أمس،‮ ‬في‮ ‬اتصال بـ‮''‬النهار‮''‬،‮ ‬إن الأسباب الرئيسية التي‮ ‬جعلته‮ ‬يقلّص من عدد الأعوان المرتقب توظيفهم في‮ ‬المسابقة التي‮ ‬ستجرى شهر سبتمبر القادم،‮ ‬تكمن في‮ ‬اتخاذ قرارات صارمة تقضي‮ ‬بإعادة تكوين كافة الأعوان،‮ ‬الذين وظّفوا في‮ ‬وقت سابق،‮ ‬إذ تم تحديد مدة التكوين بسنة كاملة،‮ ‬يشرف عليها ما لا‮ ‬يقل عن 4 ‬آلاف ضابط تلقوا تكوينات حتى في‮ ‬الخارج،‮ ‬وهذا بدءًا من شهر سبتمبر،‮ ‬حول كافة المخاطر والكوارث التي‮ ‬قد تتعرّض لها الجزائر،‮ ‬وعددها 10 ‬أبرزها‮ ''‬الفيضانات،‮ ‬الزلازل،‮ ‬الثلوج وغيرها‮''.‬وأضاف أن هذه التكوينات ستتم في‮ ‬مختلف المدارس التابعة للمديرية العامة للحماية المدنية،‮ ‬وبالتالي‮ ‬سنتلقى صعوبات في‮ ‬إيوائهم في‮ ‬حال توظيفنا 5 ‬آلاف عون،‮ ‬باعتباره العدد الذي‮ ‬كنّا نعتمده من قبل‮ ''‬سنحوّل كافة أعوان الحماية المدنية إلى مختلف المدارس لتلقينهم تكوينات متخصصة،‮ ‬لأن الأحوال الجوية للجزائر تغيّرت كثيرا،‮ ‬وكان آخرها العاصفة الثلجية التي‮ ‬ضربت الجزائر شهر فيفري‮ ‬الماضي‮''.‬وقد وظّفت المديرية العامة للحماية المدنية في‮ ‬مسابقة جوان‮1102‬،‮ 5 ‬آلاف و200 ‬عون،‮ ‬حيث كانت أول مسابقة مطابقة لجملة الشروط التي‮ ‬جاء بها القانون الأساسي‮ ‬للحماية المدنية،‮ ‬والتي‮ ‬مكنت الأعوان الحاملين لمستوى الثانية الثانوي‮ ‬فما فوق من المشاركة‮. ‬

المصدر: الجزائر- النهار أون لاين : اضغط هنــــا

جديد توظيف اعوان الحماية المدنية في الجزائر 2012/2013

68 التعليقات:

غير معرف يقول...

لعنة الله عليهم . من 5000 الى 2000 . ؟ معناها كل ولاية عندها 60 منصب على الأكثر ؟ و كل دارة متلحقش 10 مناصب ؟؟؟ يا ربي جبلنا رفدة من هاذ البلاد ولا أحرق هاذ البلاد

غير معرف يقول...

ان شاء الله ربي يدير فيها خير

غير معرف يقول...

أنا فتاة عمري 23 سنة و مازال ندي مصروفي من عند الوالد. وعلاش فئة النساء دائما محقورة نديرو في المسابقات كامل و جمي نجحنا. كلشي في بلادنا معريفة مكان لاه اديروا اعلانات و تعييو رواحكم و ديرولنا أمل رانا كرهنا من الوعود الزائفة.ندزوج و نجيب ولاد و أنتوما مازالكم في نفس لحكاية هادي هي ادارة الجزائر وعود.....ثم وعود....ثم وعود......100 سنة بعد....حاجة متبدلت .....حاجة وحدة برك مات directeurربي يرحمو و جاء اخر......يعني مصيبة جديدة......يتبع....

غير معرف يقول...

كرهنا جدهم قاع من 5000 الى 2000 الناس تمشي وتزيد في العدد حنا نمشيوا ونقصوا فيهم ويقولوك من أجل المحاربة ؟؟؟ تجي تفهم تعيابففففف وتفففف

غير معرف يقول...

ههههههههه..أنا مرة حبيت نشارك في مسابقة الحماية المدنية و رفضوا لي الملف نتاعي، قالك آسيدي قصيرة و ما تصلحيش مع أني مستوى جامعي و جسم رياضي ، الطول الله غالب هاذا لي عندي..قالك لالا..أنا طولي 154 سم و هوما طلبوا 155 سم للنساء...أنا ما غاضتنيش هاذي ، ياك القانون قانون، أنا اللي غاضتني أنهم داو بنات أقصر مني بكثير ، و المستوى اللي عندهم سادسة ابتدائي + ديبلوم في الحلاقة...
اين العدل ؟
آخر رد مني ليهم كان كتابي " إذا كان الطول عقبة خطيرة لهذه الدرجة لماذا تولى رئاسة بلانا رئيسنا الحالي ؟"
مشكوووووووووووووووووووووووووووووريييييييييييييييييييييين

غير معرف يقول...

سلام عليكم انا زاني نسقس اشحال يسوى هذا البوست . كي نقولو حق المشاركة 150دج. حق المعرفة 15مليون بالمساعدة. طلعلها لحساب 15*2000=احسب .
وراهى المراقبة منهم واليهم من حركي لولد الحركي .
وراه السن صبرنا حتي صرنا كبار دورك السن 23--ريحا ل 20شد انت .

غير معرف يقول...

winta ychado dossiete

غير معرف يقول...

هل المسابقة في كامل التراب الوطني

غير معرف يقول...

T3ayouuuuuuuuuuu et les leterraires prk ma3andhoumch el ha9 yakhi nas yakh

غير معرف يقول...

li darbouhou b rekla m 6eme rahoum 3fayes w li hyathoum ga3 w houma y9raw.. ybdaw y9Alboulhoum 3la toul wel el 3fayes el rafhim kima houmaaa

غير معرف يقول...

hédi méchi bléd na3élbou édawla él kélba dima cha3b ykhaléss na3latou allah 3la daoulat algerie c un bléd pourri kéyén rir él ma3rifa sans ma3rifa on ne pe rien faire na3élbou bébék ya dawla kélba

غير معرف يقول...

يا أيتها الأخت نحن لا نتزوج أبدا إلى الأبد و انت صومي و أصبري و ثابري في الحياة القاسية الوعرة المليئة بالدئاب الوعرة و هاك نومرو نتاع قوقو عيطلوا 0670/06/10/04 و أجرك على الله

غير معرف يقول...

و يعني مشكلة الطول نورمال لأن مالك قصير و دئبه طويل جدا و لاتنسي أن ميسي و زياني و بوناطيرو و اويحي ليمازال ماسلكناش كلهم ولات حرام إدا لاتسسطعين الزواج لانك قصيرة و سمينة و علبك بالرضاعة في دئبي حولين كاملين لكي تصبحي طويلة و اشربي الزنجبيل كل صباح و مساء و كدلك زيت القوبع روبع على تلوت و لازم تكون بايتة في الخل و زيت عرب و في الاخير نتوجه يالشكر إلى كل من بوتفليقة و أخته بريتني و راجل عمتو شاراك

غير معرف يقول...

اليلام عليكم ورحمة الله وبركاته
أريد أن أسأل هل يشترط العمر أم لا لأن زوجي يبلغ من العمر 35 سنة وهو متخرج من الجامعة ولم يجد عمل، هل يحق عليه الإشتراك

غير معرف يقول...

رايح يهبلنا هدا النظام الفاسد . المسابقة في الحماية المدنية او الجمارك او الدرك زعمة حبونا

غير معرف يقول...

لا معريفة لا والو المستوى الدراسي هو الصح

امين يقول...

انا متحصل على 3 باك بصح ماقبلونيش لأسباب مجهولة

غير معرف يقول...

ماهو السن المحدد لإجراء المسابقة ومتى تقام

غير معرف يقول...

sons commenter krahna

غير معرف يقول...

بركانا من الكدب تاعكم هذا لافيشاج غير زيادة ديروها بيناتكم و خلونا علاه تبغونا شقا في هذه الدنيا ماناش فارغين شغل ولا رابحين عمارنا في كورة بلوس لالجيري منعرف وراها رايحا بهذه العقلية تاع التوظيف

غير معرف يقول...

على حساب الشوفة لازم 20000000000000000000 دولار باش تدخل

غير معرف يقول...

ربي يهديكم

غير معرف يقول...

أنا راني نيفو 9 (اهلية) دخلت بالمعرفة..........وراني ضابط والحمد لله...............

غير معرف يقول...

هذا هو المكتوب نتاعي......................وبالزيادة راني راح نزيد نطلع في القراد..........

غير معرف يقول...

بلاد كوميككككككككككككككك.....

غير معرف يقول...

وكرهنا من هدي لبلاد بلاد مكي بلاد تيكي معرفة هي كلش انا كنت حاب ندخل للحماية بصح كعادت هكدا مضنيتش

غير معرف يقول...

يا لخاوى لي يسحق يدخل ندخلهولو دخلت طفلة عندها 1.02متر بصح با ليزانتيري لي يسحق هاو ليه رقم هاتفي 0794882438

غير معرف يقول...

دائما الجزائر هكذا تزداد نحو الاسوء الان الشباب راه رايح يضيع للاخر

غير معرف يقول...

يا جماعة أنا عندي شهادة ليسانس ملقيتش خدمة كل مسابقة التي أجريتها العائق الأول هو الخدمة الوطنية من رايح جيبها الطول طويل الصحة جيدة و لاكن ورقة العسكر هي الصح بناة قصار يخدموا في شرطة في درك في الحماية المدنية بدون شروط الشاب الدود يكلوا
المسؤولين هم على دراية بوضع الشباب لاكن لاحياة لمن تنادي نصيحتي لكم الله هو فوق الجميع هو الدي يرزق ما يشاء بغير حساب

غير معرف يقول...

أقول للبنات عليكم بإنتظار قليلا فقط لأنكم سوف توضوف لأنه لا وجود للشروط لديكم أما عن الدكور عندما ينتهي مدة صلاحية التأجيل من الخدمة الوطنية البطالة الأبدية بإنتظارك حبيت ولا كرهت هده هي الحقيقة المرة

غير معرف يقول...

وكتاه يبدأ التسجيل

غير معرف يقول...

كل واحد او زهرو

غير معرف يقول...

اريد الستفسار على المستوى الدراسي فانا حاصل على شهادة مهنية في اختصاص كهروميكانيك وهو كل ما يخص الكهرباء والميكانيك وحامل على مستوى اولى ثانوي هل اشارك في ساك اعوان الحماية من لديه معلومات فارجوكم افيدونا جزاكم الله خيرا...وشكرا.

غير معرف يقول...

من لديه معلومات فاليعينه انه في انتضار الى من يرشده.

غير معرف يقول...

السلام عليكم , شروط التوضيف تتطلب سنة ثانبة ثانوي على الأقل تقبل جميع الشعب و الله أعلم و لكن المشكلة هي أنه حتى و ان وفرت لهم الشروط , يبقى حاجز المعرفة , الله يهديهم قبل ما يديهم

غير معرف يقول...

ولي عندو المعريفة يقبله يعني

غير معرف يقول...

لبلاد هذي إلي معندوش لمعارف و الدناحس (السوااااارد) غير ربي لي يتوله ..... والله كرهونا في لبلاد يفولك حب الوطن من الإيمان و حنا كرهنااااه .. والله منا عرفين واش نقولو لسيدي ربي يوم غدوة ...

غير معرف يقول...

انتاع الضباط ما زال ولا كيفاش عندي شهادة مهندس في الاحصاء وعمري 29 سنة

غير معرف يقول...

السلام عليكم ورحمة الله تعالى وبركاته توجد نقطة واضحة ولم ومنتشرة في التوظيف بأسره وهي الرشوه والواصطة

غير معرف يقول...

كرهنا كرهنا كرهنا

غير معرف يقول...

معرفة رشوة قوادة عيش تشوف

بلاد العرب هاملة .......... سيرتو الجزائر

غير معرف يقول...

كرهنا الميزيرية ديرولنا حل

غير معرف يقول...

نتوما مهابل هكدا تبقاو تبعو في بوسط هنا ولهيه هكدا حابين تبقاو متلهيين وملهوفين فيقوووووووووووووووووو""ولي فاقوا روحوا بكري""

غير معرف يقول...

انا عندي مستوى9اساسي وديبلوم وراني درت ادماج وسلفية ومحبوش يقبلوني على هذاك نزيد الحماية المدنية ياخي كلش بالمعريفة خليها عند ربي والله لا يوضيع اجر المحسنين

غير معرف يقول...

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏
حسبي الله ونعم الوكيل.

yahia.sfisef@gmail.com يقول...

ما هو السن المشتلط والستوى الدراسي مع التوظيح

غير معرف يقول...

السلام عليكم والله هذه الجزائر عندك معريفة تنجح ما كانش معريفة شد حوشكم و وكيلهم ربي

غير معرف يقول...

خاوتي خواتاتي ما تفقدوش الامل كاين مجالات خرا كاين الجمارك و كاين الشرطة راهم يحكمو برك ونتي امولات 154سم ديري معريفة في سونترال عند لي يقيسو طول يزيدولك 1 سم وربي يوفق الجميع

ميمى يقول...

الحمايةالمدنية هى خدمة المخاطر ولكن السهر على خدمة المواطن وراحته هى كل شىء فاعوان الحماية المدنية هم ملائكة الارض

غير معرف يقول...

حاجا مليحة راهم ولاو بزز

غير معرف يقول...

و هل الحاملين لشهادة الماستر2 في الوقاية و الامن الصناعي غير مطلوبين......!
et pour quoi la deriction exigé l'age

غير معرف يقول...

ايداع الفات 8 اوت الى غاية 2 سيبتمبر لمن اراد الاستفسار

غير معرف يقول...

لسلام عليكم
هناك شروط اعتبرها اقصائية في حق بعض الشباب.ما هو الهدف من تحديد طول القامة -1.70- ألا يعتبر من هو أقل بسنتيمترات جزائريا ؟ أليس من حقه الانخراط في هذا القطاع ؟ ما الهدف من الطول إن كان العقل خاويا ؟
ألا نحظى بالتفاتة ؟
مع العلم أننا سمعنا بأنها من أكثر مسابقات التوظيف فسادا

غير معرف يقول...

khalouha 3la rabi

غير معرف يقول...

انا عندي 1.68 وعندي معريفة صحيحة زعما نقدر ندخل

غير معرف يقول...

انا عندي 3 سنين ون نجوز في هد لمسابقة .بصح مزال مفهمتش علاش ديم ميقبلونيش ونيا بصحتي لهابارك ازيد نفو بك وسبرتيف .بصح معليش نوكل عليهم ربي .ندير طبل تع دخان نعيش منها امندفعش رشوى ونعيش بلحرام.

غير معرف يقول...

ما هو اخر اجل

غير معرف يقول...

يا جماعا انا ندعي ونتوما قولو امييييين اوكي
اللهم ادخلنا في سلك الاعوان
اللهم نجحنا في الامتحان
اللهم هدم عليهم البنيان ادا زاد جبروتهم بالرشوت والطغيان
اللهم يافارج الاهمام حطم انوف الضالمين واغلق لسانهم بالاكمام
اميييييييييييييين
ونشكر الجميع على المشارك وربي يوفق ولاد الزواولة ولي عندو استفسار راني هنا والسلام عليكم

غير معرف يقول...

السلام عليكم يقولوا ناس بكري لي خلق مايضيع (علا ربي ان شاء الله)

jalal bousaad يقول...

عاجل
الشعب يقول .....
و الحكومة الجزائرية .. تفعل ؟؟؟
تيارت 19/01/2013
لحظة الواقعة الثامنة و 15 دقيقة مساءا
بإشراف قيادة الحماية المدنية لولاية تيارت تم إنقاذ بشر من لحم و دم و روح من أبناء الجزائر الخضراء ليتم نقلهم إلى مراكز الإيواء أو المستشفى ..كان البرد القارس يخترق عظامهم الضعيفة و الرياح القوية تحاصر أجسادهم الهزيلة الخاوية من كل جهة و الأمطار الغزيرة أصبحت فوق رؤوسهم و تحت أقدامهم .. هؤلاء الذين كانوا يفترشون الطرقات خضعوا خضوعا كاملا لقانون الطبيعة و استسلموا استسلاما لقسوة قلوب المارة ( رجالا و نساء و شبابا و أطفالا ) بعدما تخلى عنهم اقرب الناس إليهم و فقدوا عطف و إحسان ذاو يهم ..
القسم الذي يرافق الصحافي الجزائري عبد الله عمر نجم و فريقه
" اقسم بالله الواحد الأحد الفرد الصمد الذي رفع السماء بلا عمد أن أحافظ على الجزائر و على سمعة الجزائر في الداخل و الخارج وان اخلص العمل بكل ضمير و أن أراعي ضميري في كل ما اكتبه و أقوله و انشره و أن أقوم بعملي بدون أي مبالغة أو زيادة والله على ما أقول شهيد. توقيع الصحافي الجزائري عبد الله عمر نجم // 0661531657//00213661531657//

غير معرف يقول...

سلام عليكم ..عندي السنة التاسعة هل يشرك عندي ديبلوم من فضلكم اعطني الجواب

غير معرف يقول...

انا عندي سؤال هل مستوي الثانية ثانوي بالمراسة مقبول في الحماية المدنية

غير معرف يقول...

السلام عليكم ...عندي مستوي الثانبة ثانوي اداب وفلسفة وشهادة الكفاءة الهنية اختصاص كهرباء معمارية من فضلكم يااخواني الاعزاء اريد جوبا

غير معرف يقول...

السلام عليكم من فضلكم متى توضع ملفات مسابقات للحماية المدنية لان ابنى فقد الامل افدونى من فضلكم





غير معرف يقول...

اللياقة البدنية لازمة

غير معرف يقول...

مايقبلوهمش في العسكرلاسباب مرضية ويقبلوهم فى الحماية المدنية يرجى منكم الفحص الطبى الجيد اكثر من العسكررررررررررررررررر و شكراااااااااااااااا

غير معرف يقول...

ااااااااااااا

غير معرف يقول...

اللي يحوس يخدم الله يعاونو انتوما واش دخلكم توكلو على ربي سبحانو وكل واحد الله يسهل عليه

إرسال تعليق

إضافة تعليق